هما بی بی صولت قشقایی در گذشت
هم علی یی،هم ولی یی
چاغیریرلار،استاد،استاد!
منیم شیکیللی دلی یی
چاغیریرلار استاد،استاد!
من کی استاد،اولمام آما
گؤردیم سحر دن آخشاما
واتساپ ده، یازیرلار ناما
چاغیریرلر استاد،استاد
یاددان چیخیب، ایل عشاقی
اوخارودان ، تا آششاقی
باشی چیخن ،هر اوششاقی
چاغیریرلار،استاد استاد
گور نه تیر و، تفنگ ائدیر
شعری چکیب ،جفنگ ائدیر
سرباز پیش فنگ -پا فنگ ائدیر
چاغیریرلار،استاد استاد
استاد گؤتیر..میش بازاری
حراج کیلو، بیر هزاری
سینه ورم،هر آززاری
چاغیریرلر،استاد استاد
قریشمیشگ، پوپولیسمه
نمره وئرره گ،توپولیسمه
چاخان یازانگ ،کوپولیسمه
چاغیریرلر استاد،استاد
بو جیغله ،گؤر هاردایمیش!
کاباره ده ،یا باردایمیش؟
دیسکولاردا،شیش-چار دایمیش
چاغیریرلر استاد استاد
ادب یوخی،هـئچ!مایادان!
اؤره گ کوررا، دور وایادان
دیل اؤرگنمیش،پئس دایادان
چاغیریرلر استاد استاد
تززه گ! اولموش،عنبر نسا
قیزیرالی،ایسته ر قوسا
استامبول دن بیر قیل یوسا
چاغیریرلر،استاد استاد
هر بستنی، یالایانی
یا باشونی ،بولایاتی
بغیرانی ، اولایانی
چاغیرلار استاد،استاد
تاززا بیللیر،ساز آلموشدور
دولایی دا،بیر چالموش دور
داد ای-داد ای،ده قالموشدور
چاغیریرلار ،استاد،استاد
نه قرت بیلیر،نه زرت بیلیر
نه نت اینن،کنسرت بیلیر
بیرپارا چرت و پرت بیلیر
چاغیریرلر،استاد استاد
دوو من دوو لیگ،شهرت ایچی
آچولموش هر ،بزمه قیچی
منیم تکین،آغزی فیچی
چاغیریرلر،استاد-استاد
هر کیم توی دا زینگیللادی
شعر ایچینه،قینگیللادی
یا سه تاری ، جینگیللادی
چاغیریرلر استاد،استاد
بیزیم استاد ترلر ایمیز
یئی تر دئیه م،أرلر ایمیز!
آرتوق تؤکیر،پرلر ایمیز
چاغیریرلر استاد استاد
چوخ سویوز دور،آد و سانا
مهلت وئرمه ز،هئچ جوانا
اؤزینی آتیر هر یانا
چاغیریرلار استاد استاد
آدی قوناغ لوقا چاتیر
اؤزینی ایله ری آتیر
هنری چوخ ،ارزان ساتیر
چاغیریرلار استاد استاد
دوربین قرشیسینه توریر
سیگارونی ،محکم سؤریر
گلین باشی ،شاپاک ووریر
چاغیریرلر استاد استاد
هر یئرده بیر ،جشنواره دیر
بئش-اون دانا،ماه پاره دیر
ائله اوردا ، آواره دیر
چاغیریرلر استاد،استاد
واری توی دا،واری یاس ده
قفل ائدمیشدیر ، ایککی قس ده
هیق و کیپ واری دور سس ده
چاغیریرلر استاد استاد
اؤزینی چوخ استاد بیلیر
استاد دئیه دن ده ویل گولیر
رقیب گؤرسه، قاررون دیلیر
چاغیریرلر استاد استاد
قریشمیشدیر، ناز و تؤزا
هئچ کس اینن، گئدمه ز سازا
ایندی هر کیم ،کتاب یازا
چاغیریر لار استاد استاد
بیر تاجیککی، شعری بولوب
ترکی ائدیب ،شاعر اولوب
موبایل لاردا ،فیلمی دولوب
چاغیریرلار استاد استاد
بئیه نه ایش، گؤریب بیزه؟
بیر شعر دئمیش،قره قیزه!
چون کی آرتوق،چیخمیش اؤزه
چاغیریر لار استاد استاد
نئچچه بویوگ،فستیوالدا
مقاله سی،قیل قالدا؟
من بیلمیره م،خلق نه حالدا؟
چاغیریرلر،استاد استاد!!!
استاد تیتیره دی گؤردا
دئدی نه کول ،سوورام بوردا؟!
نچون هر لوتی یی اوردا؟
چاغیریر لر استاد،استاد
حافظ هاردا، ایندی گؤره
کی یئریندن، بیتیب شورا
نه شاگرد دیر،نه ده غورا
چاغیریرلار استاد- استاد
بلبل سسلی، شجریان
دیق ائدمیش و جیگری قان!
نچون قازی،اخر زامان؟؟
چاغیریرلر استاد،استاد
سئیره م دئیه م که قشقایی
چوخ آز گؤره ر” فرود “تایی
سواد یوخی “امین” پایی
چاغیریرلار استاد استاد
واردور نئچچه، نفر داهی
قئلن واری، استاد جاهی!
قالوغی ناحق واللاهی
چاغیریرلر استاد استاد
استادینگ چوخ معنی واری
أل گؤتیرینگ،سیزی تاری
هر کیم قاچیر، شعره ساری
چاغیریرلر،استاد استاد
تملق دور ،یا احترام
داهی بسدیر،ائده گ تمام!
خواص کی یو،بلکه عوام
چاغیریرلار،استاد استاد
داهی استاد،دئمه یینگ سیز
قؤیماز آرتوق،اؤرگنه گ بیز!
ویل،ائدیره گ اؤککیز-اؤککیز
چاغیریرلر استاد استاد
استاد اولانلارینگ چوخی
منیم اینن آرا یوخی
ایندی اتل -متل اوخی
چاغیریرلر استاد استاد
“آرمانا”باخ و سؤزینه!
پئس قربان اولدی گؤزینه!
هرکیم کی آلدی اؤزینه
چاغیریر استاد استاد!
آرمان فرهنگ٩۵/۶/١۶
دیدگاهتان را بنویسید