هما بی بی صولت قشقایی در گذشت
*اگر آنا اولماسا اینسان جسمی دوزلمز*
*و اگر کتاب اولماسا بشر روحی بئسلنمز*
*(پلوتارک)*
بئگون کی دونیادا
هر ایش وهر ترپنمگ
اگر خلق و میللت حیمایتی قولونجوندا اولماسا
یا جان توتاماز
یا ده کی جان توتا ایاق توتاماز و دوشمگه محکوم دور.
بو اورتادا
هونر و هرنرچی لر
ایشی هلز چتین تر دیر
چون کی دونیا،خصوصا بیزیم تورپاغوموزدا
تاسف باخوشوندان
هونردن و احساسدان گون دن گونه آرالی اولییور.
هونرچی و هونر قولونجونا گئدن،
دیرلیگدن
مادیاتدان
اوزوندن
چوخ داهی شئی لردن وروییور تا جامعه سینه،خلخینه،
تورپاقونا و فرهنگینه قوللوق ائده،
تاریخ یارادا
آما اگر حمایت و تشویق لر اولونماسا
حتی فیکری بوکی سئیاگ دئیه گ نه تافاق لار دوشه ر آدامی اینجیدییور.
هونر آرادان گئدر….
فرهنگ دوزلمز….
تاریخ یاتار تورپاقا….
دویغو اولر….
دیرلیگ معنی سیز اولور…..
آرام آرام اینسانلوق آرادان گئدر….
نچین کی هونر ایشی و هونرچی ایشی
مقدس دیر
ارزیش لی دیر
اگر هونر آرادان گئتدی
اینسانلوق آرادان گئدر….
باش سوزو بوردادور…
اگر بیر اینسان بو زاماندا
بو تاریخدا…
اوز دیرلیگیندن و داهی ایشلریندن وروییور
و گئدییور هونر قولونجونا تا فرهنگینی ساخلایا و قوللوق ائده،
اونونگ قدری بیلینه سی.
حمایت اولوناسی
بویوک شاعیرمیز
جیناب فرود جهانگیری
تاززالیگدا
یازولی لارونی کیتاب ائدمیش لر….
یاشیل آلما
فرودونگ باخوشی و اندیشه سی ثمره سی
دیر
..دویغوسودور…..
واجوبدور کی حمایت ائدگ
بیر کتاب قیمتی بئگون کی دونیادا
چوخ او کیتابونگ ارزیشیندن آز تر دیر
اون مینگ تومن بو دونیادا هئچ پولی دئگیل
آما اگر بو اون مینگ تومن لر کوپ اولسا بیر یئره
میلیاندان دا رد اولور….
و هونرچی زحمتی شاید بیر آز جوبران اولا…
حداقل گئنه اومودوار اولا
و گئنه هونر یولونا ایاق قویا….
یاشیل آلمادان حمایت ائدینگ
کیتاب اوخوماگی افتخار بیلینگ
کتاب یازاندان حمایت ائدمگی افتخار بیلینگ
نچین کی ویکتور هوگو دئیور:
خوشبخت او اینساندیر کی
یا خوب کتابی اولا
یا کتاب اوخویان لارونان یولداش اولا….
به امید او گونی کی بو تورپاقدا و جامعه ده
*کتاب اوخوماگ*
*سواد*
*هونر*
*اینسانلوگ*
*ارزیش بیلنه*
نه اسکناس لار صیفیرلری………
عبدالرحیم مسعودیان
جوشقون
شیراز
۲۸.۴.۹۶
دیدگاهتان را بنویسید