هما بی بی صولت قشقایی در گذشت
تار و ستار آغلادی ،
بو روزگار آغلادی ،
عاشق محمود کؤچنده ،
نازلی نیگار آغلادی
ائلینگ نیشانی گئتدی
شووکتی ٬ شأنی گئتدی
آغیرائلدن سؤز چالان
گؤرمه لی خانی گئتدی
داغلارینگ قاری آغلار
گول اؤزلو پری آغلار
اویاق اولان نازنین
بگوندن گئری آغلار
خزل فصلی پسینده
„دؤنگ یئللری اسنده„
تیفان یاغار باشیما
محمود خانینگ سسینده
شئیدا بولبولدان دئین
صافالی چؤلدن دئین
آغیرائلدن آیریلدی
او آغیرائلدن دئین
ایکی گرایلی:
ائل کیشی سی یاتدی یئره
بیر شیرین دیل باتدی یئره
اجل آلدی آغیر ائلدن
گئنه ارزان ساتدی یئره
غملی نئی یی ٬ ستاری چال
چال کی گئتدی٬ ائل یاری چال
آغیر ائلی ٬ گیرایلی یی٬
گئنه محمود- نگاری چال…
تقدیم به روح پرفتوح چهره نام آشنا و هنرمند بی بدیل ایل محمود خان اسکندری
روحشان شاد
مسلم حسینی ۲/۵/۹۳- شیراز
دیدگاهتان را بنویسید
ببخشید، برای نوشتن دیدگاه باید وارد بشوید