هما بی بی صولت قشقایی در گذشت
یازدینگ سیه چادورلاری ، کیانی
قشقایی فرهنگی ، اٸددینگ جهانی
اٸل یولونا ، قویدونگ ،مالینان جانی
مانا ،جاوید اولسون استادیم آدینگ
آرخا چیخدینگ ، واری اٸله، دیلداشا
افتخارانگ واری اٶزگه ، یولداشا
گٸچیردن عومر،اٸل یولونا،مینگ یاشا
واری یٸر ده، اٸددگ خوبلیگه یادینگ
یولوموزی اٸددینگ کیانی ، روشن
قیزیل یازان ، اه للرینگدن، اٶپم من
قشقایی یا، رسول اولدینگ استاد سن
ایترمیشدیگ یول اٸشیددیگ،فریادینگ
گرایلی دن یازدینگ،صولت دن یازدینگ
اوتتوز مینگلی گردان،دولت دن یازدینگ
اٸلیمیزینگ شوکت، شهرت دن یازدینگ
گٶجلو ریشه نگ ، دٸنا تکین بنیادینگ
واری ایران ، اولدو سیزه مخاطب
واژه لره، وٸردینگ عجب تاب وتب
پناه اولسون سیزه ،تاری، بٶیوگ رب
مانا ، جاوید قیزیل قلم ،مدادینگ
چتین گۆنلر،کیم اولموشدور،سیزه یار؟
اٸل آناسی، توران بی یی ، برقرار
توران بی یی ،اٸلیمیزه ،افتخار
اٸل آناسی، تاری وٸرسین مرادینگ
یازا بیلمه م ،استادیم وصفینگ لایق
یازدام سیزه ، نرگس گۆلو، شقایق
یازاسیام سیزه، فرهنگه عاشق
آرزیمیزدیر عزیز ، استادیم شادینگ
گرایلی شعرینه وٸرن ، تب و تاب
کیمیاگر ، قیزیل یازان ، ناب کتاب
سیزی ویکتور هوگو اٸیله رم، خطاب
واری گۆندور، کیانی جان میلادینگ
شعر: “صادق ساسانی گرایی”
تقدیم به جناب آقای دکتر منوچهر کیانی
دیدگاهتان را بنویسید