هما بی بی صولت قشقایی در گذشت
اؤزوم اؤزومه دونموشم
بلکه اؤزومدن دؤیموشام
اونودموشام اؤزوموده
گئنه اؤزومو سؤیموشام
ساعات چالیر هی باشیما
دردلر دولور هی باشیما
چوخ فیکر سالیر هی باشیما
باشیمی درده قویموشام
دیوار قرشیمده سؤز چالیر
قابلار گؤزومه گؤز چالیر
گونلریم سازی دوز چالیر ؟
اؤزومو وورموش اه یمیشم…
خاطره لر اوچور منده
یارالاریم قچیر منده
اوراقچی لار بیچیر منده
خرمنی وورموش دؤیموشم
عومروم قوشو اوچه بیلمئیر
اوزانمیشام قره لی گه
اوجه لری گچه بیلمئیر
قاناتلانام آرالیگا
دونیا با گئنگلیگده منه
قوطی تکین چوخ دار گلیر
سیخیلیرام بو قوطودا
دردلر منه چوخ کار گلیر
هر اینسانینگ ایککی گؤزو
بیری درددیر ، بیری گولوش
بیری ایستی گونش تکین
بیری تیفان سالان یاغیش
من گولوشه اون ائدمیشدیم
اما دردلر برگیمده
چوخ زاماندیر درد آناسی
یئر سالمیشدیر اورگیمده
شیلکه شیلکه اولورام من
کوهنا اولان قالی تکین
اومودوما چاتامیرام
کوولولارینگ فالی تکین
اؤزوم اؤزومده ایدمیشم
کسسیزلیگینگ قیراغیندا
عومروم قاری سویا دؤنور
یامان گونلر دوداغیندا
مسلم حسینی – ۲۹/۴/۹۶ – شیراز
دیدگاهتان را بنویسید
ببخشید، برای نوشتن دیدگاه باید وارد بشوید