هما بی بی صولت قشقایی در گذشت
تئزقوررودو غیرت بولاغی گوزو
سویوز کئچدی تر یاغیشینگ کاروانی
جامِ جفا توکدو یامان ،ائل سئوزو
یاندی باغینگ طراوتلی ریحانی
گَلدی تقدیر، عشقی چَکدی تورپاقا
ماتم یئلی اَسدی گئنه چیراغا
درنا قوشلار قونماز داها اوتراقا
نولدوگورنگ؟ بوچوللَرینگ آسلانی
ظالم دنیا جافاسیمیش اَزَلدَن
سَچه سَرگَل، ایخه بویوگ هرگَلدن
کوچه بیربیر قوچ کیمسَه لَربوائلدن
ایتدی نیجه؟ شئرایگیدلَرنشانی
ائلیم قانات آچدی نئچه جاهالا
دُردان سَچدی ، ووردو تیری مارالا
رحم ایئله مز اصل ونژاد کمالا
قویماز سورنگ ساق وسولدان دورانی
فاییق گلدی اجل ، آلدی کلامی
مئی چی وئردی صراحی دان او جامی
قیزیل قانی رنگین ائتدی آخشامی
حق یاغیشی گَرچَک، یویار یالانی
داغلار داغینگ اُتی، داغی قارینان
گئجه گوندوز ، دوس آغلایار زارینان
وصفینگ دئیَر غملی نئی وتارینان
شوم اووچو لار کوچَر دیلَر جئیرانی
یالان دنیا، یامان قلیجی قانلی
آی باتیران، گون اولدورَن ، اوقانلی
گوردونگ نیجه دامَنیگده یامانلی
بایقوکیمین اوچورد دیلَر ترلانی
سیندی دیرک ،سَرپناهیم دایاغی
سوز آنگلایان ،وارلی یوخسول دوستاقی
ائلیمیزینگ او عزَّتلی قوناقی
کوچ ائیله دی ، چَگدی اوتا ، یانانی
اَگیلدی گور، اوجا داغلار مصداقی
سولدو واری نوچه گوللَر یارپاقی
توتما داها سئرداشلارینگ سوراغی
گَچَن گئدَن خوش گونلَرینگ قوربانی
شمع ائزیلَر، داییم آغلار پروانا
خوشخوان بولبول ناله چَکَر هر یانا
قبرستاندا مجنون کیمین دیوانا
لیلی گَزَر، بیابانیگ حئیرانی
گئدَر ببربیر، بواولکه نینگ اولدوزو
هنیز واراگ ، گوردوگونوگ سویوزو
یانار “ساغر” حَقدَن سه یَرصبر اوزو
چوخ یاشاسین ائل چنارینگ قالانی
#اشرف_جهانگیری
دیدگاهتان را بنویسید
ببخشید، برای نوشتن دیدگاه باید وارد بشوید